तराइ इन्टरनेशनलका दुइ कार्यकर्ता पक्राउ

गरुडा, २३ पुस/ भूमिगत संगठन तराइ इन्टरनेशनल टाइगरका रौतहट इन्चार्जसहित २ जनालाई गरुडा प्रहरीले पक्राउ गरेको बताएको छ ।
गए राति टाइगरका रौतहट इन्चार्ज मि. लालबाबु साह ँकमोद सिंह’ र विश्वजीत भन्ने रामबाबु पटेल ँविश्वजीत’लाई प्रहरीले पक्राउ गरेको हो ।
इलाका प्रहरी कार्यालय गरुडाको गस्ती टोलीले बीरेन्द्र राजमार्गको बालचनपुर र हसारहाचोकबाट उनीहरुलाई पक्राउ गरेको प्रहरीले जनाएको छ । रौतहटमा बन्द, हडताल, चन्दा आतंकलगायत विभिन्न आपराधिक क्रियाकलाप मा संलग्न रहेको आरोपमा पक्राउ गरेको रौतहटका प्रमुख जिल्ला अधिकारी कमलेश्वर सिन्हाले जानकारी दिएका छन् । साह र पटेललाई अनुसन्धानका लागि इलाका प्रहरी कार्यालय गरुडामा राखिएको छ ।

पर्सर्ााजल्ला एथलेटिकस संघ गठन

वीरगंज, २३ पुस/वीरगंजका युवा वर्गहरुको भौतिक विकास र एथलेटिकस खेलकूद विकास उत्थानको लागि वीउमपनाका सरसफाई तथा खेलकूद अधिकृत दिवाकरण कृष्ण मानन्धरको अध्यक्षतामा भूपूखेलाडीहरुको आज भएको भेलाले पर्सर्ााजल्ला एथलेटिकस संघ गठन गरेको छ ।
संघको अध्यक्षमा अशोककुमार श्रेष्ठ, उपाध्यक्ष रमेश टिवडेवाल, लक्ष्मण न्यौपाने, सचिव देवी श्रेष्ठ -पूजा), सहसचिव किरण श्रेष्ठ, कोषाध्यक्ष मिनु श्रेष्ठ लगायत छन् । अध्यक्ष दिवाकरकृष्ण मानन्धर तथा नव निर्वाचित संघका अध्यक्ष अशोककुमार श्रेष्ठले उपस्थित भूपू खेलाडीहरुलाई धन्यवाद दिंदै नवनिर्वाचितहरुलाई शुभकामना व्यक्त गरेका थिए ।