तार चोरको नाइके पक्राउ

वीरगंज, ३१ असार/ पर्साको विभिन्न वडामा टेलिफोनको तार काटी चोरी गर्ने गिरोहको नाइके पक्राउ परेको छ ।
आज वीरगंज उपमनपा-१४ बस्ने २४ वर्षीय मोजामिन मियां अंसारीलाई ठूलो परिमाणमा टेलिफोनको तारसहित रंगेहात प्रहरीले पक्राउ गरेको हो ।
अंसारी विगत तीन महिना अघि प्रहरी हिरासतबाट फरार भएका थिए । वीरगंजमा टेलिफोन तार काटेर चोरी गर्ने प्रमुख नाइके अंसारीले १ हजार मिटर तार चोरी गरी भारतको विभिन्न ठाउंमा लगी बिक्री गर्ने गरेको प्रहरीले जनाएको छ । निजलाई आवश्यक अनुसन्धान र कारबाहीको लागि जिल्ला प्रहरी कार्यालय, पर्सर्ाा आप\mनो हिरासतमा राखेको छ ।
वीरगंजको विभिन्न वडा टेलिफोन तार चोरहरुका कारण सञ्चारविहिन बन्न पुगेको थियो ।

बम विस्फोटमा दर्ुइ घाइते

वीरगंज, ३१ असार/ चन्दा नदिएको भन्दै वीरगंजको बाइपास सडकस्थित एक होटलमा जनतान्त्रिक तराइ मुक्ति मोर्चा ज्वाला समूहले बम विस्फोट गराउंदा दुइजना गम्भीर घाइते भएका छन् ।
गए राति करिब ८ः३० बजे बाइपासस्थित हरियाली रेस्टुरेन्टको घर नजिकै रहेको एक साधारण होटलमा भएको विस्फोटमा परी वीरगंज मुर्ली निवासी रूस्तम मियां, सिन्धुपाल्चोक चौतारा-३ घर भएका ना २ ख ९४२० नं.का ट्रकका सहचालक दीलिप पहरी घाइते भएका हुन् । ।
घाइतेको उपचार नारायणी उपक्षेत्रीय अस्पताल, वीरगंजमा भइरहेको छ ।