स्व. सिंहको स्मृतिमा फोटो प्रदर्शनी

वीरगंज २६ जेठमा । फोटो पत्रकार स्व. सुबोध सिंहको ४५ औं पूण्यतिथिको अवसरमा फोटो प्रदर्शनी प्रारम्भ भएको छ । २६ जेठमा स्थानीय पद्म पार्टी सेन्टरको हलमा नेपाल पत्रकार महासंघ पर्सा शाखा र राष्ट्रिय फोटो पत्रकार समूह पर्साको तर्फबाट दुइ दिने फोटो प्रदर्शनी गरिएको हो ।

फोटो पत्रकार स्व. सिंहले खिंचेको फोटो र स्थानीय फोटो पत्रकार राम सर्राफ, पंकज श्रेष्ठ, नितेश माथेमा, प्रविण मानन्धर, भूषण यदवले खिंचेको ६२ वटा फोटो प्रदर्शन स्थल राखिएको छ ।

फोटो अवलोकन गर्न संचारकर्मी, सभासद् र सर्वसाधारणको ठूलो घुइचो लागेको छ । फोटो पत्रकार सुबोध सिंहको भारतमा रेल दुघटनामा परी मृत्यु भएको थियो । फोटो प्रदर्शनस्थलमा स्मृति पुस्तिका पनि राखिएको छ ।