गधालाई धोइ पखाली गाई बनाउन नेपालको आग्रह

विरगञ्ज २६ जेष्ठ/

नेपाल कम्युनिष्ट पार्टि एमालेका निवर्तमान महासचिव माधवकुमार नेपालले माओवादीको तीब्र आलोचना गर्दै वाइसिएलका गतिविधि सम्बन्धमा गधालाई धोइ पखाली गाइ बनाउन आग्रह गर्नुभएको छ ।

आज मदननगरस्थित नेपाल कम्युनिष्ट पार्टि (एमाले)को पार्टि कार्यालयमा भेला भएका पर्सा जिल्लाका कार्यकर्ताहरुलाई सम्बोधन गर्नुहुँदै उहाँले शहर केन्द्रीत प्रवृत्ति, पार्टिका नेताहरुको वरिपरि घुम्ने प्रवृत्तिलाई कार्यकर्ताले

छाड्नुपर्ने बताउनुभयो ।

महासचिव नेपालले कार्यकर्ताको इतिहास, निष्ठा, र्समर्पण, क्रियाशीलता सवै हेरेर मात्र मूल्याड्ढन गरिने बताउनुहुँदै पैसा कमाउने कुरामा सक्रिय, जनताको मन जित्ने कुरामा निष्क्रियता भयो भने कसरी मूल्याड्ढन हुन्छ, दुइ नम्बरी धन्धा गरी पैसा कमाउन सक्नुहुन्छ तर इज्जत कमाउन सक्नु हुदैन भन्नुभएको थियो ।

यसैवीच सशस्त्र समूहले गोली हानी हत्या गरेका नेपाल विद्युत् प्राधिकरण वीरगंज वितरण केन्द्रका कर्मचारी स्व. नारायण खड्काको वीरगंज -१६ तेजारथ टोलस्थित घरमा पुगी समवेदना प्रकट गर्नुभएको थियो । सो भेलामा पूर्व सांसद पुरुषोत्तम पौडेल, पूर्वमन्त्री नागेन्द्र चौधरी, डा. विश्वम्भर शर्मा, निर्मला देवकोटा, संविधानसभा सदस्यका उम्मेदवार बाबुजान अलीलगायत उल्लेखनीय कार्यकर्ताको उपस्थिति रहेको थियो ।