नारायणी आइडलको तेश्रो चरणको छनोट सम्पन्न

वीरगंज, २८ माघ/ नारायणी आइडल प्रतियोगिताको तेश्रो चरणको छनोट कार्य सम्पन्न भएको छ । वीरगंजको होटल बाबामा सम्पन्न तेश्रो चरणको छनोट कार्यमा नेपाली गायनतर्फ टप ट्वान्टी एवं भोजपुरी गायनतर्फ टप फाइवमा पुग्ने गायकहरुलाई चुनिएको थियो । यसअघि दोश्रो चरणको छनोटपश्चात टप फिफ्टी नेपाली गायनतर्फ चयन भएका थिए भने टप टेन भोजपुरी गायनतर्फ छनोट भएका थिए ।
हेटौडा, सिमरा,चन्द्रनिगाहपुर, नारायणगढ र वीरगंजमा प्रतियोगीहरु छनोट गरिएको थियो । १२ वर्षेखि ३० वर्षा गायन क्षेत्रका नव प्रतिभाहरु सहभागी रहेको सो प्रतियोगीतामा निशुल्क खाना, नास्ता एवं बस्ने व्यवस्था मिलाइएको छ ।
लायन्स क्लब अफ वीरगंज वेस्ट एवं वीरगंज सांस्कृतिक परिषदको संयुक्त आयोजनामा हुने सो प्रतियोगिताको मेघा फाइनल वीरगंज नगरसभा गृहमा गरिने आयोजकले जनाएको छ। विजयी प्रतियोगीहरुाइ १ महिना नेपाल वन टिभी एवं तराइ टिभीबाट प्रत्यक्ष प्रशारण गरिने र उनीहरुलाई समेटेर गीती एलबम बनाइने आयोजकले जनाएको छ ।